Bote (Bottle)

Bote – Ito ba ang iyong panaginip kagabi? Ano ang ibig sabihin nito?

Kung ang nakita mo sa iyong panaginip ay bote na may laman at puno, ito ay nagpapahiwatig ng tagumpay. Kung ito naman ay walang laman, ito’y nagbabadya ng matinding kaaway.

Ang isang bote na may lason ay nagpapahiwatig naman ng masasamang hangarin ng mga taong malapit sa iyo at ikaw ay naiimpluwensyahan ng gumawa ng hindi maganda. Iwasan mo ang mga taong ito para sa iyong kapakanan at mapabuti ang iyong buhay.

Ang plastik na bote naman na nakita mo sa iyong panaginip ay nagpapahiwatig na may parating ng magandang balita mula sa taong iyong minamahal.

Kung binubuksan mo ang isang bote sa iyong panaginip, ito ay sumasagisag na pag-iipon. Sinusubukan mong tipunin ang mga mapagkukunan ng yaman o kita upang mapabuti ang iyong buhay.

Kung sa iyong panaginip nakahanap ka ng isang bote sa dagat na may isang sulat, ito ay nangangahulugan na kailangan mong magpasya sa isang sitwasyon kung ano ang tama at mali.

Ang makita ang isang bote na lumulutang sa tubig sa iyong panaginip ay sumasagisag ng pagtatago ng iyong nararamdam at kaisipan sa halip na ipahayag ang mga ito.

Kung isang basag na bote naman ay nakita mo sa iyong panaginip ay isang indikasyon na ang mga oras sa hinaharap ay magiging mahirap, ngunit hindi ito magtatagal.

Kung isang bote ng pabango ay nasa iyong panaginip ay nagpapahiwatig ng may makikilang kang isang taong  na marunong sa buhay upang gabayan ang iyong hinaharap. Maari ring isang tao na mabibigay sa iyo na tapat na pag-ibig.

At sa isang panaginip kung saan may nakita kang bote ng sunflower oil , ito ay isang tanda ng pagiging relihiyoso at pagkakapare-pareho. Ang interpretasyon na ito ay tumutukoy sa pamilya ng asawa. Kung pinahid ang langis sa iyong buhok o balat, ito ay isang magandang tanda. Ang gayong panaginip ay isang tanda ng hinaharap na kasaganaan ng iyong pamilya.

Ang isang bote ng beer sa iyong panaginip ay nagpapahiwatig na ang isang talento o regalo ay magiging iyo sa hinaharap.

Minsan ang panaginip ay naiiba ang kahulugan depende sa iyong kasarian, kung ikaw ay babae o lalaki.

Kung ang isang babae ang nakakita ng isang bote sa panaginip, anuman ang nilalaman at anyo nito, ito ay simbolo ng mga mahirap na panahon. Malamang, ikaw ay naghihintay sa ilang mga pagkabigo sa buhay, ngunit mapagtatagumpayan mo naman ito lahat at may kapalit na kasaganahan.

Ngunit kung lalaki naman ang nakakita ng isang bote sa panaginip, ito ay nangangahulugan na ikaw ay makikipagtagpo sa isang magandang babae.

Kung ikaw ay isang lalaki at sa iyong panaginip ang bote ay puno ng isang bagay na matamis, ay nagpapahiwatig ito na matatagpuan mo na ang iyong babaeng mamahalin

Sa aspeto ng pamahiin, ay bote ay simbolo ng sinapupunan. Pinoprotektahan nito kung anuman ang nasa loob nito.

Sa artikulong ito ay ibinabahagi lamang ang pananaw tungkol sa mga simbolo ng iyong panaginip. Ang simbolo sa iyong panaginip ay sumasalamin sa mental, emosyonal, at pisikal na kalagayan mo ngayon at sumasalamin din ito sa mga paniniwala at mga impluwensya na ating kultura. Kaya kung ang iyong panaginip ay positibo ang sinasalamin. Magpasalamat, magsumikap at magdasal sa Diyos upang ang tagumpay o kasaganahan ay makamtam. Ngunit, kung ang iyong panaginip ay negatibo ang ipinahihiwatig, ito ay isa lamang “babala” na maaring maiwasan at malampasan, basta’t magtiwala lamang sa iyong kakayahan at magdasal na may pananampalataya sa Diyos. Ang babala ay pwede ring maging positibo dahil ito ay nakadepende kung paano mo ito bibigyang kahulugan. Tandaan lahat ng pagsubok at paghihirap ay may kapalit na kasiyahan at kasaganahan. At upang mapanatili ang kasaganahan sa iyong buhay, matutong ibahagi ito sa iba at laging magpasalamat sa ating Diyos.

Image by Petra Blahoutová

Share