Langgam (Ant)

Image by Poranimm Athithawatthee

Ito ba ang nilalaman ng iyong panaginip kagabi? Ano ang kahulugan ng panaginip na langgam?

Ang kahulugan ng iyong panaginip na langgam ay isang simbolo ng lakas, sigasig, determinasyon, pagkakaisa, pagtitiis, pagpapasiya, sakripisyo, at katapatan. Sa kabila ng maliit na sukat nito, ang langgam sa antas ng espiritwal ay nagtataglay ng napakalawak na lakas ng katuparan, na nagpapaalala sa iyo na walang madali sa buhay na walang anumang pagsisikap.

Sa iyong panaginip kung ang nakita mo ay pulang langgam, ito ay nagpapahiwatig na may parating na bagay na hindi kanais-nais sa iyong buhay. At kung sa iyong panaginip ay nakaramdam ka ng takot ng makita mo ang pulang langgam, ito ay kumakatawan sa mga maliliit na panganib na naroroon sa iyong pang-araw-araw na buhay tulad ng pagkakanulo (traydor) at kawalan ng tiwala na taong malalapit sa iyo.

Kung itim na langgam naman, ito ay sumasalamin sa iyong pagkatao at may bagay nagpapahirap sa iyo na pilit mong tinatago at sinosulusyunan ng mag-isa. Sa pangkalahatan, ang panaginip tungkol sa mga itim na langgam ay isang magandang tanda. Dala nila ang mga simbolo ng pagsusumikap at pagpapasiya bilang mga susi sa tagumpay at gawain sa komunidad, at kooperasyon

Kung isang malaking langgam naman ang iyong nakita sa panaginip, ito ay nagsasabi na dapat kang magtrabaho nang mas mabuti at agresibo sa iyong maliliit na hangarin. Maging mas maging maparaan upang mas lalo pang lumago ang iyong kita. Ito rin ay simbolo ng mga pagkakataon (opportunities).

Kung ang nakita mo naman sa iyong panaginip ay ang mga reyna na mga langgam, nagpapahiwatig ito na ikaw ay magpapalawak ng iyong negosyo tulad ng sangay (branch) o karagdagang produkto para sa mas maging matagumpay .

Kung makakita ka ng isang langgam lamang sa iyong panaginip, maaaring ito ay kumakatawan sa iyong pakiramdam na mababa at walang kapangyarihan (low self-esteem). Sa kabilang banda, ang panaginip ng isang grupo ng langgam ay nangangahulugan na nais mong iugnay ang iyong sarili sa isang grupo na nagbibigay sa iyo ng pakiramdam na kabahagi ka nila.

Ang mga itlog ng mga langgam sa iyong panaginip ay nagtitiyak sa pagbubuntis at kapanganakan. Para sa magkasintahan, ito ay nagpapahiwatig ng maagang pag-aasawa at maraming anak.

Kung sa iyong panaginip ay nakita mo ang mga langgam ay nasa loob na iyong bahay. Ito ay nagpapahiwatig ng hindi magandang tanda. Aksidente or paghihirap sa mga darating na araw ngunit kapag ito nagpatagumpayan, isang pagpapala naman ang darating sa iyong buhay.

Kung sa iyong panaginip, ang mga langgam ay nasa iyong pagkain. Ito ay nagpapahiwatig ng isang pakiramdam ng pagkasuya o dismaya dahil ang mga langgam ay maaaring maging marumi sa kalikasan. Maaaring nasa pagtatakda ng negosyo, ang isang mas maliit na kakumpitensya ay nagsisikap na kumuha ng negosyo mula sa iyo. O sa iyong sariling negosyo, maaaring hindi ka masaya kung paano mo nakamit ang iyong mga layunin at kita. Nagkukulang ka sa paraan o gawa para sa pagpalago na iyong sariling negosyo.

Kung napalibutan ka naman ng langgam, ito naman ay nagpapahiwatig na maaring samantalahin ang iyong kakayahan o kayaman ng mga taong nasa iyong kapaligiran.

Ang panaginip naman na tungkol sa mga langgam na gumagapang sa iyong katawan ay maaaring simbolo ng isang tao o isang bagay na nakakainis sa iyo.

Halimbawa, kung sa panaginip mo ay mga langgam na kumakagat sa iyong braso ay maaaring maliit na dahilan na nakakayamot sa trabaho. Siguro ang ilang mga workload ay naantala o huling minutong mga pagkakamali ay natagpuan sa iyong mga proyekto.

Kung sa paa ka naman kinagat ng mga langgam sa iyong panaginip, ito ay simbolo ng mga malilit na bagay na humahadlang sa iyong plano o tagumpay.

Kung ang mga langgam na nasa iyong kama ay simbolo ito ng iyong alalahanin na nadadala mo hanggang sa ikaw ay mahiga sa iyong kama o bago matulog.

Ang panaginip ng pagpatay ng langgam ay nagpapakita ng iba’t ibang mga paraan na iyong sinusunod upang harapin ang iyong mga problema sa buhay. Halimbawa, kung sa iyong panaginip ay gumamit ka ng insecticide upang madaling mamatay ang mga langgam sa inyong bahay. Ito nagpapahiwatig na ikaw ay madaling makakahanap ng paraan sa pagharap sa mga nakakayamot ng pangyayari sa iyong buhay upang mapalitan ito ng kasiyahan.

Kung sinira mo naman ang bahay ng mga langgam, ito ay simbolo na may paparating sa iyong malaking proyekto o trabaho ngunit magbibigay din sa iyong ng malaki problema.

Kung sa panaginip mo naman ay kumakain ka ng langgam, ito ay nagpapahiwatig ng gusto mong mag-relax at magtrabaho ng kaunti. Ito ay pagnanais na makapagbakasyon at bitiwan ang iyong stress.

Ang isang lumilipad na langgam sa iyong panaginip ay nagpapahiwatig na gusto mong lumaya mula sa iyong karaniwang gawain sa trabaho at magsimula ng bago.

Kung patay na ang langgam na nakita mo sa iyong panaginip, ito ay nangangahulugan na maayos na ang mga hindi kanais-nais na nangyayari sa iyong buhay.

Ang langgam sa iyong panaginip ay nagpapahiwatig ng paglipat sa isang siyudad. Kung saan ikaw ay magiging matagumpay. Ang tagumpay na ito ay makakamit mo lamang kung ikaw ay masipag. Ngunit kung ikaw ay tamad, kahirapan ang kapalit nito.

Sa espiritwal na antas. Ang isang langgam ay madalas na itinuturing bilang sagradong simbolo ng Kristiyano. Ayon sa ilang mga sipi sa Biblia, ang mga langgam na magkakasamang nagtatrabaho para sa pangkaraniwang kapakanan ay kailangang gawin bilang isang aral ng mga tao.

Sa mga tradisyon ng Islam, ang isang langgam ay niluwalhati bilang guro ni Solomon, ang mayaman at matalinong hari ng Israel. Naniniwala ang maraming tagasunod ng Islam na ang langgam ay isang simbolo ng karunungan.

Ang langgam sa iba’t ibang kultura ay mayroon din ng mga simbolo.

Sa Pilinas, ang mga langgam na nasa bahay ay nagbibigay ng swerte at kasaganahan.

Sa Tsina, ang simbolo ng isang langgam ay madalas na nauugnay sa isang banal, makabayan, organisado, at masunurin na lingkod na kanilang bayan.

Sa maraming Katutubong Amerikano, ang mga langgam ay simbolo bilang masipag at matulungin. Naniniwala ang mga tribung timog-kanluran na ang mga langgam ay kumalat sa lupa para sa mga tao, na nagbibigay ng kanlungan sa Unang Digmaang Pandaigdig. Sa kabilang banda, itinuturing ng mga tribo ng Hilagang Californian ang mga langgam bilang mga taga-bigay ng sensyales ng mga lindol.

Sa artikulong ito ay ibinabahagi lamang ang pananaw tungkol sa mga simbolo ng iyong panaginip. Ang simbolo sa iyong panaginip ay sumasalamin sa mental, emosyonal, at pisikal na kalagayan mo ngayon at sumasalamin din ito sa mga paniniwala at mga impluwensya na ating kultura. Kaya kung ang iyong panaginip ay positibo ang sinasalamin. Magpasalamat, magsumikap at magdasal sa Diyos upang ang tagumpay o kasaganahan ay makamtam. Ngunit, kung ang iyong panaginip ay negatibo ang ipinahihiwatig, ito ay isa lamang “babala” na maaring maiwasan at malampasan, basta’t magtiwala lamang sa iyong kakayahan at magdasal na may pananampalataya sa Diyos. Ang babala ay pwede ring maging positibo dahil ito ay nakadepende kung paano mo ito bibigyang kahulugan. Tandaan lahat ng pagsubok at paghihirap ay may kapalit na kasiyahan at kasaganahan. At upang mapanatili ang kasaganahan sa iyong buhay, matutong ibahagi ito sa iba at laging magpasalamat sa ating Diyos.

Share