Singsing (Ring)

Photo by Fernando Arcos

Ito ba ang nilalaman ng iyong panaginip kagabi? Ano ang kahulugan ng panaginip na singsing?

Ang kahulugan ng iyong panaginip na singsing ay simbolo ng isang relasyon, paggalang at katapatan.

Ang singsing para sa kasal (wedding ring) ay simbolo ng pangako. Commitment sa isang relasyon o mga nais sa buhay (goal).

Kung sa iyong panaginip ay may nagsuot sa’yo ng singsing ngunit hindi mo kakilala, nagpapahiwatig ito ng may tao kang makikilala na siyang makakatulong sa iyong problema ngayon. Kung nagsuot ka naman ng marami at iba’t ibang singsing sa iyong panaginip, ito ay nagpapahiwatig ng swerte..

Ang isang maybahay na nanaginip na nawawala ang kanyang singsing ay kailangan mag-ingat. Ito’y nagpapahiwatig na ang kanyang asawa ay hindi tapat sa kanya. Ngunit kung may suot naman siyang gintong singsing sa panaginip, ito nagpapahiwatig ng isang anak na lalaki.

Para sa walang asawa, kung sinusubukan mong isuot ang singsing ng ibang tao sa iyong panaginip ay nagpapahiwatig ito ng panloloko sa mga taong nakapaligid sa iyo.

Kung naghahanap ka ng singsing ngunit walang makitang akma sa iyo, ito ay nagsasaad na ikaw ay single at hindi interesado sa isang seryosong relasyon.

Kung nililinis mo ang singsing sa iyong panaginip, ito simbolo na papasok ka sa panibagong relasyon. Kung sira singsing naman ang nakita mo sa iyong panaginip ay simbolo ito ng break up o pakikipaghiwalay sa isang karelasyon.

Ang isang binata na nanaginip na may suot siyang gintong singsing, ito’y nagpapahiwatig na ikakasal siya sa kanyang kasintahan. Ngunit kung dalaga naman ang may suot ng gintong singsing sa kanyang panaginip, nagpapahiwatig ito na mahuhulog ang loob nya sa isang estranghero.

Kung sa iyong panaginip ay bumibili ka ng gintong singsing, ito ay nagpapahiwatig na paglalakbay sa ibang bansa at para sa negosyante, ito ay simbolo na magandang kapalaran para sa kanyang negosyo.

Ang pilak na singsing (silver ring) sa panaginip ay isang simbolo ng malakas na pagkakaibigan at relasyon. Isa rin itong tanda ng awtoridad at integridad.

Ang brilyante na singsing (diamond ring) sa panaginip ay isang tanda ng walang hanggang pag-ibig. Ito rin ay nagpapahayag ng namakakaranas ka ng isang paghihirap, ngunit mula sa simpleng pagtitiis sa mahirap na oras, ang magiging kapalit ay isang kayamanan. Kung ang isang singsing na brilyante ay natanggap mo sa iyong panaginip bilang isang regalo maaari itong magmungkahi ng posibleng kayamanan sa hinaharap. Ang isang brilyante na singsing na luma ay nagmumungkahi naman na mahal ka ng mga tao nasa iyong paligid maging sino ka man.

At sa spritual na paliwanag, katulad ng bilog ito ay simbolo ng walang hanggang at pagka-Diyos

Abangan ang ikalawang bahagi (part 2), para sa karagdagang kaalaman o kasagutan sa mga tanong tungkol sa singsing (ring). Mamimili kami mula sa mga comment sa aming Website, Facebook at YouTube account.

Sa artikulong ito ay ibinabahagi lamang ang pananaw tungkol sa mga simbolo ng iyong panaginip. Ang simbolo sa iyong panaginip ay sumasalamin sa mental, emosyonal, at pisikal na kalagayan mo ngayon at sumasalamin din ito sa mga paniniwala at mga impluwensya na ating kultura. Kaya kung ang iyong panaginip ay positibo ang sinasalamin. Magpasalamat, magsumikap at magdasal sa Diyos upang ang tagumpay o kasaganahan ay makamtam. Ngunit, kung ang iyong panaginip ay negatibo ang ipinahihiwatig, ito ay isa lamang “babala” na maaring maiwasan at malampasan, basta’t magtiwala lamang sa iyong kakayahan at magdasal na may pananampalataya sa Diyos. Ang babala ay pwede ring maging positibo dahil ito ay nakadepende kung paano mo ito bibigyang kahulugan. Tandaan, lahat ng pagsubok at paghihirap ay may kapalit na umaapaw na kasiyahan at kasaganahan. At upang mapanatili ang kasaganahan sa iyong buhay, matutong ibahagi ito sa iba at laging magpasalamat sa ating Diyos.

 

Sanggunian: The Meaning of your Dreams by Enrique P. Santiago

Share